म्हैं तुळछां हूं थारै आंगणै री
=================
आज मा रो फ़ोन आयो
मा बतायो-
लारली दीयाळी
परणीजगी बा तुळछां
जकी थूं लगाई
आपणैं घर रै आंगणैं
परणीज्यां पछै
तीन मईना हरी रैई
कोई नवी काढी ई नीं डाली
नीं लाग्या नवा पानका
जूनी डाळ्यां माथै
जरूर आया मोर
बा तो बळगी जा पछै
थारा सुणा
काईं हाल है !
म्हारा तो
बुसका ई फ़ाट्या
सबद दोरा ई डाट्या
"मा म्हैं तुळछां हूं थारै आंगणै री"
इत्तो ई बोलीज्यो
अर मा फ़ोन काट दियो !
कोई टिप्पणी नहीं:
एक टिप्पणी भेजें